Dili, 03-09-2024
Ministériu Edukasaun liuhusi Sekratáriu Estadu ESJ-ESTV Sr. Domingos Lopes Lemos partisipa iha serimónia despedida estudante Bolseiru na'in hitu (7), ne'ebé atu kontinua halo sira nia estudu iha nivel Lisensiatura iha área edukasaun no tékniku informátika ho tempu durasaun tinan-haat iha Universidade Muria Kudus iha Semarang Indonézia, iha salaun Konferénsia Ministériu Edukasauan Vila-Verde segunda-feira ne'e.
Iha intervensaun sua exelénsia Sekretáriu Estadu ESJ-ESTV Sr. Domingos Lopes Lemos husu estudante bolseiru na’in hitu (7) atu aproveita tempu ho didi’ak wainhira hala’o estuda iha Indonézia, imi mak lori timor nia naran iha neba. Basa bolsa estudu ne’e nu’udar oportunidade, exelénsia husu bolseiru sira atu estuda ho didi’ak no remata tuir tinan akadémiku ne’ebé iha, ho nune’e wanhira remata bele fila mai hodi serbi ba nasaun Timor-Leste hodi halo netik buat ruma. Tuir orariu bolseiru nain hitu ne’e sei dezloka ba Indonézia aban hodi kontinua estuda iha Universidade Muria Kudus iha Semarang Indonesia.
“Entretanto governante ne’e konsidera bolsa estudo ne’e nu’udar oportunidade, ho nune’e exelénsia husu ba bolseiru sira atu estuda didi’ak no remata tuir tinan akadémiku ne’ebé iha, nune’e banhira fila mai Timor ho susesu hodi halo netik buat ruma ba nasauan”. Tenik exelénsia sekretariu estadu ESJ-ESTV.
Iha fatin hanesan Prezidente komisaun G trará asuntu Edukasaun Juventude Kultura no sidadania Sr. Armando dos Santos Lopes, hateten familia, no Nasaun Timor-Leste presiza ito boot sira nia matenek wanhira eskolah hotu fila mai lori diploma no matemek ne’ebé imi hetan hodi implementa iha imi nia moris no timor presiza imi nia kontribuisaun
“Presezidente ne’e mos ho esperansa katak wainhira imi fila mai ho matenek ne’ebé imi iha nasaun sei presiza imi, ho imi nia kapasidade, tamba ohin loron ne’e diploma hanesan kriteria ida, atu halo prosesu hodi hetan serbisu, maibe tempu agora ema presiza liu mak exprensia, presiza imi nia kapasidade ne’ebé imi iha usa hodi dezemvolve nasaun ida ne’e ho di’ak, dehan Prezidente komisaun G”.
Iha biban ne’e mos bolseiru Gelasio Emanuel de Castro Andrade representa bolseiru na’in VI seluk fo agradese ba Governu Timor-Leste ho Universidade Muria Kudus Semarang Indonézia ne’ebé liu husi sua exelénsia sekretáriu estadu ESJ-ESTV, ami promete katak ami sei hatudu karaktek ne’ebé mak di’ak hanesan Timor-oan durante ami nia estudu iha universidade Muria Kudus iha Semarang Indoneziá ami mós sei erforsu atu estuda ho didi’ak no buka matenek, ami mós sempre husu nafatin husi exelénsia sira nia suporta no orasaun mai ami katak bolseiru ne’e.
#MédiaME.
