Kupang , 24/04/2024- Sekretáriu Estadu Ensinu Sekundária Jerál no Ensinu Sekundáriu Tékniku Vokasionál Sr. Domingos Lopes Lemos hamutuk ho ekipa hasoru malu ho Konsuladu Timor-Leste iha Kupang Sr. Joaquim Jacob da Silva Fernandes, Adidu Edukasaun Sr. Gregorio dos Santos, no funsionáriu konsuladu iha Sala Konferénsia Konsuladu Kupang kuarta-feira semana ne'e.
Iha sorumutu ne'e, Exelénsia hato'o agradese wa'in ba Konsuladu Atambua ho ninia ekipa tanba akompaña ona delegasaun mai to'o Kupang. Iha dadeer hasoru malu ho Konsuladu Timor-Leste iha Kupang hodi ko'alia kona-ba Kooperasaun ho Eskola Tekvok sira iha Kupang Indonésia.
Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál, iha biban ida ne'e fó mós korajen ba funsionáriu konsuladu sira atu servisu hamutuk ho Konsuladu atu nune'e bele haree no trata servisu ho di'ak iha ita-nia konsuladu.
Iha fatin hanesan, Konsuladu Timor-Leste iha Kupang Sr. Joaquim Jacob da Silva Fernandes hato'o mós agradese wa'in ba Exelénsia ninia prezensa mai iha konsuladu.
Iha biban ida ne'e Sr. Joaquim Jacob da Silva Fernandes hato'o mós papél no knaar konsuladu nian maka atu atende no fo protesaun ba ita-nia sidadaun sira ne'ebé mak presiza atu trata dokumentu balun ne'ebé importante tebetebes, fasilita dokumentu ba sidadaun timoroan ne'ebé maka mate, presta deklarasaun ba karta kazamentu sira, proteje ita-nia emprezáriu Timoroan sira, buka no atrai investimentu no kontinua halo negosiasaun ba interese tomak estadu nian", katak Konsuladu iha sala Konferénsia.
#jornalistamário
#MédiaME
