Ainaro, loron 16 fulan Outubru tinan 2024
Sua Exelénsia Ministru Edukasaun Interinu Sr. Domingos Lopes Lemos hamutuk Sua Exelénsia Primeiru Ministru Interinu Sr. Mariano Assanami Sabino, Sekretáriu Estadu Arte no Kultura Sr. Jorge Soares Cristovão inklui membru IX Governu balun Inaugura Biblioteka Móvel no Biblioteka Eletrónika iha Festival Rabilau iha Munisípiu Ainaro kuarta-feira.
Iha entrevista Sua Exelénsia Ministru Edukasaun Interinu Sr. Domingos Lopes Lemos dehan, inaugura Biblioteka Móvel no Biblioteka Eletrónika iha Festival Rabilau normalmente atu enkoraja estudante sira hodi lee, hanesan kultura ne’ebé mak iha hodi hatoman-an lee, tanba ne’e mak Ministériu Edukasaun iha Biblioteka Móvel tau iha fatin festival ne’e hodi aproveita ema hotu-hotu atu aprende lee.
“Edukasaun dezempeña papél importante iha ita-nia kultura, no liu husi edukasaun mak transmite valor hotu, tanba ne’e esensiál kontinua investe iha edukasaun kultura no arte, sei garante ita-nia joven jerasaun foun komprende no fó valoriza ba eransa hirak ne’e”, hateten Governante ne’e.
#MédiaME
