Kupang , 25/04/2024
Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos, hamutuk ho Adidu Edukasaun, Sr.Gregorio dos Santos, funsionáriu konsuladu no delegasaun husi Timor-Leste halo vizita kortezia ba eskola SMK-2 (Sekolah Menengah Kejuruan) iha Kupang-Indonesia. kinta-feira semana kotuk.
Iha vizita refere, S.E Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál hala'o diskusaun ho Diretór eskola no estrtura tomak hodi troka hanoin kona-ba dezemvolvimentu Ensinu Tékniku Vokasionál no oinsá atu hemetin liután kooperasaun entre eskola Tékniku Vokasionál iha Timor-Leste ho eskola SMK 2 Kupang.
Iha enkontru ne'e diretór eskola SMK 2, aprezenta mós kona-ba lala'ok eskola nian, dezafiu ne'ebé sira hasoru, progresu ne'ebé sira atinje no estabelesimentu Departamentu XI ho nia area Espesialidade hamutuk IV, maka hanesan: Arsitek, Manufaktur, Geologi no Ekonomi Kreatif.
Hafoin remata enkontru S.E Sekretáriu Estadu Ensinu Sekundáriu jerál no Ensinu Tékniku Vokasionál hamutuk ho ekipa akompãna husi Diretór eskola no estrutura tomak ba vizita fatin laboratóriu no fatin pratika ba estudante sira iha eskola refere.
#MédiaME
