Ainaro, loron 15 fulan Outubro tinan 2024
Sua Exelénsia Ministru Edukasaun Interinu Sr. Domingos Lopes Lemos, observa direta ba estudante sira ne'ebé tuir ezame Nasionál tinan 2024 loron daruak nian iha eskola Ensinu Sekundáriu Jerál Fernando Lasama de Araújo, Ensinu Sekundáriu Tékniku Vokasionál Gil da Costa Monteiru Oan Soru, Ensinu Báziku Sentrál Venancio Ferraz no Eskola Sekundária Katólika Santa Maria Ainaro Tersa-feira ne’e.
Iha entrevista Sua Exelénsia Ministru Edukasaun Interinu Sr. Domingos Lopes Lemos hateten, ohin ekipa kontinua mai halo monitoriza ba estudante sira ne’ebé mak tuir ezame nasionál tinan 2024 iha Munisípiu Ainaro.
“Hahú husi loron primeiru abertura iha Eskola Sekundária Jerál Suai mai to'o ohin loron iha Ainaro normalmete Ezame Nasionál la’o di’ak loos, maske difikuldade iha aula ne’ebé akumula estudante sira, maibé Diretór no profesor sira jere buat hotu la’o di’ak” dehan Governante ne’e.
Estudante sira ne'ebé tuir ezame nasionál tinan 2024 iha eskola Ensinu Sekundáriu Jerál Fernando Lasama de Araújo hamutuk na'in 500, Ensinu Sekundáriu Tékniku Vokasionál Gil da Costa Monteiru Oan Soru na’in 125, no Eskola Sekundária Katólika Santa Maria Ainaro hamutuk na’in 81.
#MédiaME
