SEKRETÁRIU ESTADU ESJESTV HALO VIZITA KORTEZIA BA ESKOLA ESG 99 NO ESTV ATAÚRO
Ataúro 22/02/2024- Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos akompaña husi Diretór Nasionál Sekundáriu Jerál no Diretór Nasionál Tékniku Vokasionál halo vizita kortezia ba eskola Sekundária Jerál 99 Ataúro, Eskola Sekundária Téknika Vokasionál Peskas Beloi- Vila, eskola Fílial Nicolão Lobato Fini esperansa BiceliAna Ensinu Báziku Biqueli Ataúro Kinta-feira ne'e.
Iha intervensaun Diretór Eskola Sekundária Jerál 99 Ataúro Sr. Manuel Fraga Soares, deklara, Orgullu tebestebes ba Exélensia Sekretariu Estadu ESJESTV nia vizita mai iha ne'e, nune'e bele rona haree no rona diretamente kondisaun ne'ebé mak eskola infrenta.
"Eskola Sekundáriu Jerál 99 nia Edifísiu rasik laiha, ami uza hamutuk de'it ho Ensinu Báziku Kai Rala ninian edifísiu, husu iha futuru governu bele haree kestaun ida ne'e".
Diretór eskola ne’e hateten, eskola Sekundária Jerál 99 hamutuk profesór permanente na'in 16, estudante hamutuk atus hitu.
Fatin hanesan Exelénsia deklara, vizita ne'e foin primeira vez mai iha ne'e hodi haree diretamente ba eskola nia kondisoens sira, nune’e iha futuru bele tau orsamentu hodi hadi'ak kondisoens infraestrutura eskola nian.
"Ami mai haree diretamente kondisaun eskola Ensinu sekundáriu jerál 99, no eskola Tékniku Vokasionál Ataúro nune'e bele tau material prátika iha eskola liuliu eskola ESTV Peskas , ita mai vizita hodi rona diretamente saida mak eskola sira infrenta iha baze", katak Governante ne'e.
Governante ne'e deklara, Governu liliu Ministériu Edukasaun tau prióridade ba edukasaun tanba edukasaun mak transforma ema sai matenek, Ministériu Edukasaun tau prióridade tebestebes ba kondisoens eskola sira iha teritoriu tomak.
Exelénsia Sekretáriu ESJESTV ho ekipa to'o Portu Ataúro simu diretamente husi Presidente Autoridade Administrativu Ataúro Sr. Mateus Belo, Diretór Servisu Munisipal Edukasaun Saúde Sr. Januario de Araújo, Sekretária Edukasaun asuntu Sosiál Sra. Eliasefa Barreto hodi ba iha vizita eskola sira.
Eskola Sekundária Jerál 99 hamutuk profesór permanente na'in 16, estudante hamutuk atus hitu, Eskola Téknika Vokasionál Profesór na'in 10, estudante na'in 50, Eskola Fílial Nicolão Lobato Fini esperansa BiceliAna Ataúro Estudante hamutuk 138, Profesór na'in 29.
