ME PARTISIPA IHA REUNIAUN KOORDENASAUN INTERMINISTERIÁL KONA-BA REALIZASAUN EVENTU NASIONÁL NO INTERNASIONÁL IHA TIMOR-LESTE
Díli, 22/02/2024 - Ministra Edukasaun Dra. Dulce de Jesus Soares hamutuk ho Vise-Primeiru Ministru na'in rua no membru governu konstitusionál da-9 nian, partisipa iha reuniaun koordenasaun interministeriál hodi rona orientasaun husi S.E Prezidente Repúblika Dr. José Ramos Horta atu organiza eventu nasionál no internasionál ne'ebé sei hala'o iha fulan agostu tinan 2024.
Eventu nasionál no internasionál ne’e iha buat haat importante mak hanesan, Arte Kultura, Promosaun Turizmu, Desportu no Siénsia Teknolojia ne'ebé sei lidera husi Vise-Primeiru Ministru Eng. Mariano ASSANAMI Sabino.
