Ermera, 24-10-2024
Sua Exelénsia Sekretáriu Estadu Ensinu Sekundariu Jerál no Ensinu Sekundáriu Tékniku Vokasionál Sr. Domingos Lopes Lemos, sai oradór ba atividade akampamentu Nasionál juventude Permakultura (PermaYouth Camp tinan 2024) ho tema"Kuda Bee Hamoris Komunidade" ne'ebé organiza husi Organizasaun Non-Governamentál (PERMATIL), iha Suku Fatukeru, Posto Administrativo Railaco, Munisípiu Ermera Kinta-feira ne’e.
Iha atividade ne’e Sua Exelénsia Sekretáriu Estadu Ensinu Sekundariu Jerál no Ensinu Sekundáriu Tékniku Vokasionál Sr.Domingos Lopes Lemos hateten, PermaYouth Camp hanesan eventu prinsipál husi PERMATIL, durante ne’e juventude sira halo prátika barak ona iha fatin ne’e presiza sai modelu di’ak ida ba juventude sira seluk iha prosesu tuir mai.
“Ita hotu-hotu hatene katak bee mak sai sentru ida ba moris, ita ema moris no balada sira, bee mak fó moris tanba ida ne’e dala-barak ita abandona ita nia rai tanba dehan la produtivu, husi akampamentu ida ne’e komunidade sira hetan ona hanoin di’ak sira husi ita boot sira”, dehan Governante ne’e.
Atividade akampamentu Nasionál Juventude Permakultura (PermaYouth Camp tinan 2024, iha Suku Fatukeru, Posto Administrativo Railaco, Munisípiu Ermera ne’e partispa mós husi Exelénsia Sekretáriu Estadu Floresta (SEF) Eng. Fernandino Vieira da Costa.
#MédiaME
