Ermera, 17/08/2024
Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos, halo abertura kompetisaun sertame nivel nasionál ensinu sekundáriu jerál ho objetivu atu komemora loron Konsulta Populár 30 Agosto ba dala-25, iha Munisípiu Manatuto tersa-feira ne’e.
Iha diskursu Sua Exelénsia Sekretáriu Estadu ESJ-ESTV Sr. Domingos Lopes Lemos hateten, sertame ne’e iha planu anuál diresaun nasionál ensinu sekundáriu jerál ho tema Edukasaun mak fatin esperansa no transformasaun ba sidadaun, tanba ne’e, edukasaun mak xave ba futuru ida di’ak liu, ne’ebé estudante ida-idak iha oportunidade atu dezenvolve ninia poténsia tomak.
“Objetivu prinsipál husi atividade sientífiku ida ne’e atu motiva estudante Ensinu Sekundáriu Jerál sira atu dezenvolve hanoin krítiku, aplika sira-nia koñesimentu no kapasidade ne’ebé sira hetan liu-liu atu hetane istória pasadu ne’ebé alin sira seidauk hatene kona-ba ita-nia nasaun”, dehan Sua Exelénsia Sekretáriu Estadu ESJ-ESTV Sr. Domingos Lopes Lemos.
Governante ne’e hatutan, ohin hanesan loron ikus ba kompetisaun ne’e hala’o iha sentru rejionál parte Oeste nian realiza iha Munisípiu Ermera no eskola sira ne’ebé partisipa mak Atauro, RAEOA, Bobonaro, Liquiça no Ermera.
Iha fatin hanesan Diretór Edukasaun Munisípal Ermera agradese ba Ministériu edukasaun liu husi diresaun ensinu sekundáriu jerál ne’ebé fo konfiansa boot ba Ermera sai hanesan uma na’in hodi realiza atividade sertame ida ne’e, diretór ne’e mos fo benvidu ba estudante sira nia partisipasaun hodi tuir sertame ne’e ho abjetivu la’os atu sai mellor clasifikadu maibe atu transforma sidadaun Tomorense ba ema edukativu mak ohin alin sira marka prezensa iha Munisípiu Ermera.
“ita-boot sira mak reprezenta ona eskola hotu hosi Munisípiu haat tanba ita-boot sira mak espesiál hosi selesionadu kada eskola sira iha ita-boot sira nia Munisípiu ida-idak”.
Iha sertame ne’e Sua Exelénsia Sekretáriu Estadu ESJ-ESTV Sr. Domingos Lopes Lemos akompaña husi Diretór Nasionál Ensinu Sekundáriu Jerál, Diretór Nasionál Ensinu Sekundáriu Tékniku Vokasionál, Dirijente Ministériu Edukasuan, asesór/a Ministeriu Edukasaun, xefe gabinete sekretáriu estdau, komandante F-FDTL Postu Munisípiu Ermera, no reprezenta Autoridade Munisípiu Ermera, Profesór/a no partisipante sira.
#MédiaME
