Dili- loron 17-09-2024
Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr.Domingos Lopes Lemos hamutuk ho Komisáriu Funsaun Públika Sr. José Telo no Diretór Jerál Ensinu Sekundáriu Jerál Sr. Deolindo da Cruz fó tomada posse ba Vise Prezidente INFORDEPE Sra. Domingas Belo Amaral Mendes iha Salaun Ian Martin Balide tersa-feira ne'e.
Iha Diskursu Sua Exelénsia Sekretáriu Estadu ESJ-ESTV Sr.Domingos Lopes Lemos hateten, ho satisfasaun maka'as agradese ba Vise-Prezidente Sessante Sra.Veronica Moreira Correa, liuhusi servisu ne'ebé fornese ho rezultadu di'ak, no servisu formasaun kontinua ba INFORDEPE hodi kontinua estudu iha Korea Súl no bele fila fali ho esperiénsia no koñesimentu barak liu tan hodi apoiu dezenvolvimentu siénsia iha Timor - Leste.
"Ohin loron Sra. Domingas Belo Amaral Mendes, ne’ebé hahú ohin simu posse hodi hala’o funsaun Vise-Prezidente Gabinete Formasaun Profisionál no Kontinua INFORDEPE nian, tuir meta ne’ebé estabelese ona ba INFORDEPE iha programa IX Governu Konstitusionál".
Governante ne'e husu Vise-Prezidente foun Sra. Domingas Belo Amaral Mendes, halo koordenasaun kle’an ho Komisaun Nasionál UNESCO nian, hein katak sei uza koñesimentu ne'ebé hetan ona ne'e hodi kontinua fo kursu formasaun foun ba profesór sira iha nivél Eduksaun.
#MédiaME
