SEKRETÁRIU ESTADU ENSINU SEKUNDÁRIU JERÁL NO ENSINU TÉKNIKU VOKASIONÁL HALO ENKONTRU HO EKIPA PLURÁL EDITORES IHA MINISTÉRIU EDUKASAUN

Dili, 08-09-2023, Sekretáriu Estadu Ensinu Sekundáriu Jerál no Ensinu Tékniku Vokasionál Sr. Domingos Lopes Lemos hala'o enkontru ho ekipa Plurál Editores iha sala enkontru VIP Ministériu Edukasaun Vila-Verde.

Objetivu enkontru ho ekipa Plurál Editores ne'e ko'alia kona-ba ámbitu elaborasaun manuál ba estudante 12⁰ ano ba nível ensinu Sekundáriu Tékniku Vokasionál liu-liu manuál ba profesóres, livru ba alunus iha nivel ensinu sekundária Tékniku Vokasionál nian.

Enkontru ne'e akompañia husi Xefi Gabinete Sekretáriu Estadu ESGETV nian, Asesór, Asesora, Diretór Nasionál Ensinu Sekundáriu Tékniku Vokasionál no Koordenadór Gabinete Avaliasaun Kuríkulum.