SEKRETÁRIU ESTADU ENSINU SEKUNDÁRIU JERÁL NO ENSINU SEKUNDÁRIU TÉKNIKU VOKASIONÁL VIZITA KORTEZIA BA ESKOLA VOKASIONÁL INTERNASIONÁL Sta. GENOVEVA MALAKA INDONEZIA
Malaka, 06/11/2023 _Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos hala'o vizita kortezia ba eskola Vokasionál Internasionál Sta. Genoveva Malaka Indonézia hodi hatuur fatuk dahuluk ba konstrusaun eskola andar tolu no Dormitóriu eskola nian ida.
"Vizita ida ne'e sai hanesan programa kooperasaun entre Governu Timor Leste ho Indonézia liuliu iha área edukasaun no formasaun ba estudante Timoroan iha aparellu ASEAN ne'ebé Indonézia mak sai uma na'in", katak Exelénsia Sekretáriu Eskola Sekundáriu Jerál no Eskola Sekundáriu Tékniku Vokasionál Sr. Domingos Lopes Lemos.
Exelénsia ne'e haktuir, vizita ne'e hanesan programa servisu hamutuk entre nasaun rua Timor Leste ho Indonézia, liuhusi programa ne'e estudante Timor Leste bele hetan oportunidade no kontinua estudu iha eskola Gerakan Genova School Nusantara(GSN)_ ne'ebé hó niá espesialidade mak hanesan departamentu Turízmu no Siénsia Saúde.
Eskola refere harii iha tinan 2015, hafoin hatuur fatuk dahuluk, Exelénsia ho ekipa kontinua hasoru malu ho autoridade lokál, administradór Malaka Indonézia, hodi troka hanoin no rona informasuan kona-ba edukasaun iha Malaka Indonézia.
Totál estudante na'in 40 husi Timór Leste ne'ebé preparadu no rejistu ona tinan letivu 2024 hodi hahu eskola iha Eskola Sta. Genoveva Malaka Indonézia.
