SEKRETÁRIU ESTADU ENSÍNU SEKUNDÁRIU JERÁL NO ENSÍNU SEKUNDÁRIU TÉKNIKU VOKASIONÁL HALO ABERTURA OFISIÁL BA FORMASAUN PADRAUN DEZENVOLVIMENTU ORTOGRÁFIKU NO GRAMÁTIKA LIAN TETUN NO FORMASAUN PROFISIONÁL, IHA ESKOLA ESTV MOLEANA

Maliana: 14-11-2023, Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos, halo abertura ofisiál ba formasaun padraun dezenvolvimentu ortográfiku no gramátika lian tetun, no formasaun profisionál, iha Eskola ESTV Moleana, Tersa-feira Ne'e.

Iha Abertura ne'e Exelénsia Sekretáriu Estadu ESJESTV Domingos Lopes Lemos hateten, formasun ida ohin, formasaun ida ne'ebé mak atu haklean no haburas di'ak liután iha lian tetun ba profesór Ensínu Sekundáriu Tékniku Vokasionál sira. Tanba ida ne'e mak ohin ha'u mai ho Prezidente INFORDEPE Diretór nasionál na'in rua ho Asesór sira mai partisipa iha abertura ida ne'e.

Formasaun ida ne'e ba Tékniku Vokasionál sira iha polo 3, polo Maliana nian mak konsentra iha Maliana ne'e no hela polo Same ho Liquiça.

Totál Profesór sira ne'ebé tuir formasun ne'e hamutuk na'in 61

Iha abertura ne'e hotu, Governante ne'e halo mós vizita ba eskola Ensinu Sekundáriu Tékniku Vokasionál Maumali, Ensinu Sekundáriu Jerál Dom Martinho Lopes.