MINISTÉRIU EDUKASAUN HALO REVIZAUN BA LISTA MANORIN PRÉMIO NOBRE
Dili, 20/11/2023-Ministra Edukasaun Dra. Dulce de Jesus Soares hamutuk ho Sekretáriu Estadu Ensinu Sekundáriu Jerál no Tékniku Vokasionâl Sr. DomingosLopesLemos, Prezidente INFORDEPE no mos dirijente sira hotu Ministériu Edukasaun nian halo revizaun ba lista manorin prémiu nobre ka kondekorasaun sira iha salaun konferénsia Ministériu Edukasaun Vila-Verde, Segunda-feira ne’e.
Tuir planu IX Governu Konstituisionál liu husi Ministériu Edukasaun hakarak kondekora manorin hirak ne’ebé dedika-an iha área edukasaun durante tinan naruk, nune’e tempu badak sei fó kondekorasaun ba manorin selesionadu sira hanesan lembransa ida ba sira no familia.
Enkuantu ne’e hanesan lista faze dahuluk ne’ebé Ministériu Edukasaun konsege identifika no sei iha tan faze seluk tuir mai.
Aleinde ne’e, Ministra Edukasaun Dra. Dulce de Jesus Soares alerta mós ba Dirijente sira kona formasaun rai liur nian atu fahe oportunidade hanesan ho sira seluk ne’ebé nunka hetan oportunidade la’os ema ida ka rua de'it mak hetan priviléjiu ne’e.
