SEKRETÁRIU ESTADU ENSINU SEKUNDÁRIA JERÁL NO ENSINU TÉKNIKU VOKASIONÁL HALA'O ENKONTRU HO EKIPA INDIMO.
Dili, Segunda, 07-08- 2023, Sekretáriu Estadu Ensinu Sekundária Jerál no Ensinu Tékniku Vokasionál Sr. Domingos Lopes Lemos hala'o enkontru ho ekipa Institutu Nasionál Dezenvolvimentu Mão-de-Obra, IP ( INDIMO) hodi ko'alia kona-ba atribuisaun ba dupla sertifikasaun ne'ebé mak antes ne'e INDMO no Ministériu Edukasaun asina ona memorandu iha fulan Janeiru tinan 2023, iha sala konferénsia Ministériu Edukasaun Villa Verde.
Iha enkontru ne'e eselénsia Sekretáriu Estadu hateten, atu aselera servisu ne'ebé mak antes ne'e INDIMO no Ministériu Edukasaun asina ona memorandu iha fulan Janeiru liu ba entendimentu ne'ebé halo presiza aselera.
"Ha'u hanoin memorandu entendimentu ne'ebé ita halo ne'e presiza tenke aselera, maske iha tinan ida ne'e ita seida'uk bele halo buat ruma maibé faze iha preparasaun ne'e tenke másimu. Tanba ekipa ne'ebé mak ita forma tiha ona ne'e tenke haree sira nia servisu".
Governante ne'e deklara, iha 2023 seida'uk bele realiza maibé tinan 2024 hakarak ka lakoi tenki realiza ona tanba hotu-hotu nia objetivu ne'e ida de'it atu bele valoriza, antes valorizasaun halo prinsípiu profesór sira importante tebe-tebes mínimu sira balun hetan ona sertifikasaun ne'e nune'e sira mós iha direitu atu bele sertifika fali ka halo avalisaun ba prosesu ne'ebé mak la'o iha eskola sira.
Iha fatin hanesan Diretora Institutu Dezenvolvimentu de Mão-de-Obra. IP (INDIMO), Isabel Fernandes de Lima deklara, ohin hasoru malu Eselénsia Sekretariu Estadu Ensinu Sekundáriu Jerál no Ensinu Tekniku Vokasionál ko'alia kona-ba akordu ne'ebé mak asina iha fulan Janeiru liu ba, akordu ida ne'e entre INDIMO no Ministériu Edukasaun asina atu atribuisaun ba dupla sertifikasaun nian.
"Akordu ida ne'e ita tama ona iha governu da-sia nian iha Ministériu Edukasaun Sekretáriu Estadu Ensinu Sekundáriu Jerál no Ensinu Tékniku Vokasionál mak sei tau matan diretamente ba iha ensinu Tékniku Vokasionál sira. Tanba ne'e mak INDIMO nia kortezia ida ne'e ho Sekretariu Estadu atu bele hato'o kona-ba servisu sira ne'ebé maka durante ne'e halo ona liu-liu halo diskusaun ho ekipa tékniku husi parte Ministériu Edukasaun nian.
"Ita bele aselara akordu ne'e atu nune'e atribui sertifikasaun ba ita nian graduadu sira husi eskola tékniku vokasional sira".
Enkuantu iha enkontru ne'e partisipa husi Asesora Gabinete Sekretáriu Estadu Ensinu Sekundáriu Jéral no Ensinu Tékniku Vokasionál Sra.Lùcia Isabel Oliveira Vieira
