MINISTRA EDUKASAUN ENKONTRU HO EMBAIXADÓR JAPAUN IHA TIMOR-LESTE KO’ALIA KONA-BA KONSTRUSAUN ESKOLA

Dili, 07/08/2023 - Ministra Edukasaun Dra. Dulce de Jesus Soares hala'o enkontru kortejia ho Embaixadór Japaun no Jaica iha Timor-Leste hodi ko'alia kona-ba kooperasaun servisu liu-liu iha konstrusaun ba edifísiu eskola sira iha rai-laran, enkontru ne’e hala’o iha Salaun VIP Ministériu Edukasaun, Vila-Verde.

Iha enkontru ne'e Ministra Edukasaun Dra. Dulce de Jesus Soares hateten, Embaixadór Japaun sempre ajuda Ministériu Edukasaun hodi halo konstrusaun ba edifísiu foun eskola nian no dalaruma mós halo rehablitasaun edifísiu sira ne'ebé nia kondisaun la di'ak, depende ba prioridade, meibé proposta husi NGO sira no hetan avaliasaun husi ministériu inklui dezeñu ho BIOQ hafoin realiza.

"Iha diskusaun ne'e ko'alia mós ba futuru sira iha paisaun tebe-tebes hakarak reforsa prosesu aprendisajen ba matematika no siénsia no karik sira nia voluntáriu mai ami destaka ba ba área siénsia no matemátika, dadaun ne’e iha faze diskusaun no haree ba posibilidade ita bele realiza", dehan Govenante ne'e.

Enkuantu kooperasaun ne'ebé halo la'os tau orsamentu iha ministériu, maibé liuhusi NGO sira hatama proposta ba iha embaixada hafoin hamutuk ho ministériu hodi halo avaliasaun ba proposta sira no kooperasaun ne’e sei kontinua ba oin