Aileu-12-10-2024
Ministru Edukasaun Interinu Sr. Domingos Lopes Lemos akompaña ho Diretór Jerál Ensinu Sekundáriu Sr. Deolindo da Cruz partisipa inaugurasaun asaun grasa ba finanlista ano letivu 2024 iha eskola Ensinu Baziku Central das Flores Munisípiu Aileu.
Iha intervensaun Sua Exelénsia Ministru Edukasaun Interinu Sr. Domingos Lopes Lemos hateten, ho ksolok dirije ba ita-bo'ot sira iha loron espesiál ba família bo’ot munisípiu Aileu, Ita hotu iha ne’e hamutuk selebra momentu importante ida iha Eskola Ensinu Báziku das Flores nian.
"Tanba ne'e Komunidade edukativa iha EBC das Flores, ho nia fiar ne’ebé la nakdoko, dedika an ona hodi prepara no oferese koñesimentu ho kualidade ba ita-nia oan sira ho misaun klaru fó ba edukasaun ida-ne’ebé hariku hanoin no espíritu, la’ós de’it ba estudante sira iha Aileu-Vila, maibé iha munisípiu Aileu tomak.
Governante ne'e, mós hakarak hato’o agradesimentu kle’an ba Diresaun Munisipál Edukasaun Aileu no parte hotu-hotu ne’ebé envolve iha E.B.C. das Flores hanesan família ida ne’ebé dedika ba avansu edukasaun nian, no respeitu ba fraternidade bo'ot tebes ne'ebé maka simu imi hotu ohin, família E.B.C. das Flores, Mai ita selebra hamutuk misa ida ne’e, no inaugura illas mahein Santu Padre João Paulo II nian, ne’ebé hetan inspirasaun husi nia liafuan, atu nune’e ita bele kontinua sai masin no naroman mundu nian.
#MédiaME
#JornalistaErik.
