Díli - loron 10 fulan Outubru tinan 2024
Sua Exelénsia Ministru Edukasaun Interinu Sr. Domingos Lopes Lemos akompaña husi Diretór Jerál Ensinu Sekundariu Sr. Deolindo da Cruz hala'o enkontru ho Parseiru sira husi Xina Dr. Patrick Ang, iha sala VIP Ministériu Edukasaun, Kinta-feira ne’e.
Iha intervensaun ida ne’e Sua Exelénsia Ministru Edukasaun Interinu hateten, Ministériu edukasuan iha esperansa bo’ot ida maka, kooperasaun entre parseria husi Xina ho Ensinu Tékniku Vokasionál, relasaun entre parte rua ne’e hodi fó hanoin sira liuliu iha área agrikuktura.
“Tamba ne’e Eskola Tékniku Vokasionál presiza tau hanoin hamutuk hodi apoiu no ninia binifísiu sira ba iha tempu naruk hodi dezenvolve di’ak liu tan, iha futuru oin mai” hateten governante ne’e.
Governante ne’e reafirma tan katak, ho meius sira ne’e hotu hodi dada investor sira mai hodi investe iha Eskola Tékniku Vokasionál sira.
Objetivu husi enkontru ne’e, hodi moderniza prosesu agrikultura iha Timor-Leste no dezenvolve agrikultura iha uma laran, agrikultura sustentável iha futuru. Interkámbio profesór tékniku-vokasionál sira. Posibilidade estájiu ba estudante sira iha setór agrikultura.
Tuir planu Governu Xina sei halao programa interkámbiu ba estudante tékniku vokasionál hamutuk na’in 10, hodi direita ba iha nasaun Xina hodi hare’e dezenvolvimentu agrikultura iha nasaun Xina.
#MédiaME
#JornalistaEric
