Díli - Kinta-feira, 10/10/2024
Ministériu Edukasaun reprezenta husi Diretór Jeral Edukasaun Pré-Eskolár, Ensinu Báziku no Ensinu Rekorente (DG EPEBER) Apolinário Serpa Rosa hamutuk ho Diretór Servisu Edukasaun Munisipál sira realiza sorumuto ho Uniaun Nasionál Eskuteiru-Timor Leste (UNE-TL) hodi planu no ko’alia kona-ba involvimentu estudante sira iha atividade eskuteiru nian.
Objetivu husi implementasaun atividade eskuteiru nian ba eskola sira atu bele fó formasaun karakter ba estudante no joven sira.
Entretantu iha intervista Auditor UNE-TL Sr. Ernesto Gusmão informa, sorumuto ida ne’e koalia kona-ba andamentu no atividade eskuteiru iha Timor laran tomak ho objetivu atu halo sosializasaun ba paz no dame.
Enkuantu atividade ida ne’e sei halo lansamentu iha tempu besik no tuir orientasaun Sua Eselénsia Ministra Edukasaun katak Dirijente Munisipál sira tenki uza farda eskuteiru nian hodi bele halo kontrolu no monitoriza implementasaun atividade ne’e iha eskola sira wainhira lansa ona.
