MINISTRA EDUKASAUN PREZIDE SEREMÓNIA ICAR BANDEIRA NACIONAL.
Dili.07 Agostu 2023-Ministra Edukasaun Dulce de Jesus Soares prezide seremónia Icar Bandeira Nasionál, semana dahuluk fulan Agostu nian, iha resinto Ministério Edukasaun .
Ministra Edukasaun iha Diskursu fo apresiasaun ba servisu liderança Ministério Edukasaun, ba progresu servisu hodi hasae kualidade Edukasaun iha Rai doben RDTL.
ha’u hakarak hahú hodi fó parabens ba Ita-Boot sira! Programa balu kontinua la’o ba oin – hanesan ALMA, HATUTAN, no HAFURAK ESKOLA, ne’ebé ajuda ita-nia estudante sira-nia aprendizajen. Ha’u hakarak fó parabens espesiál ba ita-nia diresaun Ensinu Báziku, ne’ebé konsege esforço 250 eskolas hatama proposta aprovadu!
Ministra Edukasaun Dulce de Jesus Soares Hatutan Formasaun sira-ne’ebé uza aprendizajen dijitál mós sai ekuitavel liu ba manorin sira, no mós ba estudante sira, tanba manorin sira lalika abandona aulas hodi bá asiste formasaun ida-ne’ebé la’ós iha sira-nia eskola.
ha’u foin iha ne’e fulan ida de’it, ita hahú fó esforsu tomak atu kria kuadru pesoál ba eskola ida-idak, hodi tinan oin ita sei iha baze legál hodi bele halo rekrutamentu por méritu dahuluk iha Ministériu Edukasaun, tuir lei ezije.ha’u fó ha’u-nia laran tomak hodi serbisu ho Ita-Boot sira atu hamutuk ita bele halo mudansa pozitivu iha Edukasaun iha ita-nia rai doben.Tenik Ministra Edukasaun Dulce de Jesus Soares
Partisipa iha seremónia Icar Bandeira Nasionál ne’e, kompostu husi Diretór Jeral no Diretór Nasional, Xefe Departamentu, Assesoria nomos Fungsionarius Público Ministério Edukasaun.
