MINISTRA EDUKASAUN AUDENSIA HO BANKU MUNDIÁL IHA TIMOR LESTE.
Dili – Tersa-Feira, 08/08/2023, Ministra Edukasaun sorumuto ho representante Banku Mundial iha Timor Leste hodi halo revizaun ba programa no implementasaun projetu best iha salaun VIP Ministeriu Edukasaun Vila Verde Dili.
Programa implementasaun Projetu BEST finansia husi Banku Mundial kuaze milaun 23 hodi dezenvolve komponente 4 maka Infraestrutura, Formasaun Ba manorin , materiais Edukativas no sistema Jestaun informasaun iha Ministeriu Edukasaun.
Iha sorumutu ne’e Ministra Edukasaun Dulce de Jesus Soares informa, “importansia husi sorumutu atu hare programa implementasaun projetu BEST ne’ebe la’o tinan 3 resin ona no foin atinje 4% Tamba née tempu limitadu tebes no hela deit fulan 24 atu kompleta projetu ne’e, nune’e ami sei dezeña fila fali planu no programa hodi uza orsamneto ida ne’e ba estudante sira nia nesesidade liu liu ba komponente 4 nebe temi ona hodi kontinua projetu ne’e iha fulan hirak ne’e nia laran”.
Ministra Edukasaun Dulce de Jesus Soares Hatutan, “IX Governu Konstituisional iha komitmentu, hodi hein aprovasaun husi Banku Mundiál atu fó nafatin oportunidade hodi uza osan ida ne’e iha fulan 24 nia laran. Orsamentu milaun 23 hanesan ajuda bo’ot tebes ba Timor Leste”.
Entretantu Diretor Ezekutivu Banku Mundiál iha Timor Leste Sr. Bernard Barborne hateten, ami orgullo tebez atu bele servisu hamutuk ho Ministra Edukasaun Sra. Dulce de Jesus, oinsa ami bele apoiu nia programa hare ba edukasaun ne’ebe krítiku tebes no Timor Leste hanesan Nasaun foun ne’ebe tenki fo importânsia.
Ba IX Governu Konstituisional, oinsa atu eduka labarik sira iha eskola, hafurak sala aula nomos promove manorin sira aprende no eduka labarik sira, ami prontu atu ajuda no fo suporta Ministra Edukasaun ninia Política Ba hasae kualidade edukasaun iha RDTL.
