MINISTRA EDUKASAUN NO PRESIDENTE REPÚBLICA ENKONTRU KONA-BA PROGRAMA ZOOM MEETING IHA TURISKAI

Dili, 25/08/2023 – Ministra Edukasaun Dra. Dulce de Jesus Soares hala’o enkontru ho Prezidente Repúblika Dr. José Ramos Horta hodi ko’alia kona-ba programa zoom meeting entre estudante husi Ensinu Sekundária Katólika Turiskai no Koléjiu Katólika Xavier husi Austrália.

Liuhusi entrevista ho média sira Ministra Edukasaun Dra. Dulce de Jesus Soares hateten atividade zoom meetin ne’e sei halo iha loron 31 fulan ne’e no semana ida dala tolu atu bele hasa’e liu tan estudante sira nia kapasidade iha lian ingles.

"Estudante sira iha ne’ebá hatene lee inglés nomós hatene hakerek, maibé problema mak sira labele ko’alia nune’e husu ba estudante sira husi Koléjiu Katólika Xavier Austrália atu kontinua ajuda sira liuhusi zoom meeting atu estudante sira bele prátika sira nia inglés", dehan Ministra.

Enkuantu Prezidente Repúblika Dr. José Ramos Horta kontinua fó apoiu ba Ministériu Edukasaun liuhusi servisu hamutuk hodi hadi’a problema edukasaun iha Timor-Leste.