MINISTRA EDUKASAUN AUDÉNSIA HO DIRETORA FUNDASAUN ALOLA HODI ATUALIZA PROGRAMA NO PLANU BA 2024
Dili - Sexta-Feira, 22/09/2022
Ministra Edukasaun akompaña husi Prezidente INFORDEPE, Asesora Gabienet Ministra Edukasaun audénsia ho Diretora Fundasaun ALOLA hodi atualiza programa no planu ba tinan 2024 nian iha salaun VIP Ministériu Edukasaun Vila-Verde, Dili.
Iha sorumuto ne'e, Ministra Edukasaun informa ba Jornalista sira, “Enkontru ida ne'e hodi espresa sira nia apoiu kontinuasaun ba Ministériu Edukasaun iha eskola sira ne'ebé sira halo intervensaun liu-liu iha Pré-Eskolár Komunitária iha munisípiu sira, ida ne'e rezultadu di'ak tebes hodi hasa'e taxa Kobertura Pré-Eskolár nian, Ministériu Edukasaun apresia tebes hodi kontinua koperasaun ho sira"
Aleinde ne'e, Diretora Fundasaun ALOLA Maria Guteres haktuir, "ohin ami mai aprezenta programa ne'ebé mak la’o durante ne'e inklui planu ba tinan oin nian, programa ne'ebé ami aprezenta maka: Pré-Eskolár Komunidade neebé estabelese ona no hetan apoiu husi UNICEF no PHD, programa bolsu estudo ba foin sa’e sira no mós biblióteka haleu hodi hadi’a labarik sira nia abilidade lé nian"
Enkuantu Fundasaun ALOLA Servisu hamutuk ona ho Ministériu Edukasaun dezde 2001 to'o agora no sei kontinua ba oin nafatin hodi garante labarik no foin sa’e sira hotu iha Timor Leste asesu ba edukasaun.
Sorumuto ne'e partisipa husi Prezidente INFORDEPE, Asesora Gabinete Ministra Edukasaun no mós ekipa tékniku husi Fundasaun ALOLA.
