Dili, 12 Janeiru 2023 (SAPIENTIA)-Ministru Edukasaun, Juventude no Desportu (MEJD) Armindo Maia, hateten estatuto profesor voluntariu hamutuk ema na’in 2.111 ne’ebe liu ona hosi prosesu verifikasaun dadus sei submete ba Konsellu Ministru atu bele hetan aprovasaun.
Governante ne’e hatutan, kona-ba destinu prosesu profesor voluntatariu nian sei liru uluk ba konsellu ministru, atu nune’e bele hetan aprovasaun no antes fulan janeiru nia rohan ne’e bele anunsiu ona rezultadu.
“ita espera katak antes fulan ida-ne’e ramata bele anunsia ona rezeultadu kona-ba destinu profesor voluntariu sira-nian. Tanba ne’e dadus profesor voluntariu ne’ebe MEJD prepara ona sei submete ba KM ne’e hamutuk profesor ema na’ein 2.111,” Governante ne’e hateten ba media Agensia Tatoli foin lalais ne’e.
Iha fatin seluk, Diretor Servisu Edukasaun Munisipiu Dili (SEMD)-Carlito Soares hateten molok fulan ida ne’e ramta, estatuto profesor voluntariu iha Munisipiu Dili hamutuk 250 bele termina ona, no sira bele asina ona kontratu.
Maibe, nia husu nafatin ba profesor sira seluk ne’ebe seidauk hetan oportunidade atu lalika laran taridu tanba sei iha oportunidade.
“Hau nafatin enkoraja profesor voluntairu sira iha Dili ne’ebe seidauk hetan oportunidade atu asina kontratu, labele laran taridu tanba sei iha oportunidade tuir mai,” nia dehan.
Loloos profesor voluntariu iha Dili ne’e hamutuk ema na’in 444 no bainhira sira mak hetan hotu kontratu bele dehan profesor voluntariu iha Dili bele mamuk, maibe tanba depende ba numeru estudante entaun deside uluk ema na’in-250, depois mak seluk sei kontinua tan.
Profesor voluntariu hamutuk ema na’in 2.111 ne’ebe maka liu ona hosi prosesu verifikasaun no selesaun dokumentus ne’e, foti hosi profesor voluntairu sira ne’ebe mak hanorin iha eskola privada sirai hahu hosi tinan 2003 to’o 2013, no profesor voluntariu sira ne’ebe hanorin iha eskola publiku hahu hosi tinan 2007 to’o 2017.
Enkuantu, profesor voluntariu sira hosi 2018 ninia ne’e, sira nia prosesu sei hahu fali iha tinan 2023 ne’e.
Dadus verifikasaun ne’ebe mak ekipa MEJD halo iha tinan 2021 ne’e konsege identifika ona profesor voluntariu hamutuk ema na’in 5.588, maibe lista ne’ebe rekolla ne’e iha 2.799 inklui mos lista adisional ne’ebe sai hamutuk 2.789.
Media. Sapientia. Bosco
