Dili, 12 Janeiru 2023 (SAPIENTIA)-Diresaun Nasional Dezenvolvimentu Parke Eskolar Ministeriu Edukasaun, Juventude no Desportu (DNDPE-MEJD), sei nafatin halo monitorizasaun ba projeitu komunitariu hamutuk 110 ne’ebe oras ne’e sei la’o hela iha territoriu nasional.
Diretor Nasional Dezenvolvimentu Parke Eskolar, Agostunho Soares, hateten total projeitu komunitaria ne’ebe maka MEJD termina iha tinan kotuk hamutuk 202 no oras ne’e dadaun hela deitu projetu 110 mak sei iha hela faze konstrusaun no rehabilitasaun tanba projetu finaliza ona.
“Agora ita sei iha projetu komunitaria hamutuk 110 mak iha hela prosesu konstrusaun no rehabilitasaun nia laran. Tanba, iha ona projeitu komunitariu hamutuk 92 mak konklui ona no sei inaugura iha fulan ida ne’e hosi na’I Primeiru Ministru, Taur Matan Ruak, iha Munisipiu Baucau.” nia hateten ba Sapientia iha nia knaar fatin Vila verde Dili.
Hosi projetu komunitaria 202 ne’ebe kuaze 92 konklui dadaun ne’e fahe ba kategoria tolu, projetu komunitaria iha iha 85 no kapital dezenvolvimentu iha projetu neen (6) no bens servisu iha projetu ida (1).
Hosi projetu komunitaria 85 ne’ebe kuaze 81 hosi edukasaun pre-eskolar, ensinu baziku sentral no filial no mos eskola haat hosi ensinu sekundariu rua (2) no ensinu tekniku vokasional rua(2).
“Hau hakarak dehan projetu komunitariu 85 ne’ebe konklui dadaun ne’e ita identifika eskola ensinu sekundariu jeral (ESG) iha rua maka, EDG Kay Rala Manatuto no ESG Seran Kotek Covalima, inklui ensinu sekundariu Tekniku Vokasional rua (2) mak hanesan 28 novembru Becora no Tekniku Vokasional Malibaka Bobonaro,” nia dehan.
Ho nune’e, eskola 92 maka preparadu ona atu halo primeira lansamentu inaugurasaun ne’e DNDPR sei prepara plaka depois atu husu posibilidade asinatura hosi Pirmeiru Ministru hodi distribui ba eskola sira ne’ebe konklui ona, atu nune’e ministru sira ne’ebe mak hetan orientasaun husi PM nian bele ba inaugura eskola hirak ne’e.
Media. Sapientia. Bosco
