Jakarta, 13 Jullu 2024
Ministériu Edukasaun reprezenta husi Asesora Média no Komunikasaun iha Gabinete Ministra Sra. Jacinta Hanjam Corbafo hamutuk ho Diretór Southeast Asean Ministers of Education Organization Regional Open Learning Center (SEAMELOC) Dr. Wahyudi abertura ba formasaun média no komunikasaun nian iha Kampus Universitas Terbuka Jakarta Tangeran, Indonesia.
Iha abertura, Asesora Média no Komunikasaun Gabinete Ministra Edukasaun Sra. Jacinta Hanjam Corbafo hateten, formasaun ne'e hanesan planu programa ministériu nian atu bele fasilita funsionáriu sira hodi hasa'e sira-nia koñesimentu liuliu iha área média nian atu nune'e bele servisu ho profesionalizmu.
"Funsionáriu sira ne'ebé partisipa iha formasaun ne'e mai husi Diresaun Nasionál Sistema Informátika no Téknolojia (DENSIT) tanba sira mak hala'o servisu sira kona-ba média nian atu bele fó sai informasaun ka atividade Ministériu nian ba públiku,tamba formasaun audio visual iha materiál aprendizajen ne'ebé tuir konseitu, prinsípiu, prosedimentu, teoria, aplikasaun koñesimentu util liu husi media bele ajuda estudante sira komprende tópiku ida-ne'ebé sei hanorin husi profesór sira,Tenik Asesora.
Asesora ne'e hatutan, Ministériu Edukasaun fó fiar ba formadór sira husi SEAMELOC atu bele fahe sira-nia koñesimentu no matéria ba formandu sira hodi bele aplika iha ida-idak nia servisu.
Iha fatin hanesan, Diretór Southeast Asean Ministers of Education Organization Regional Open Learning Center (SEAMELOC) Dr. Wahyudi hato'o agradese ba Ministériu Edukasaun tanba bele fó fiar ba SEAMELOC hodi fó formasaun ba funsionáriu sira iha área média no komunikasaun nian.
"Ha'u fiar formadór sira sei fahe matéria ne'ebé iha, ba formandu sira ho di'ak tanba formadór sira iha kapasidade tebes iha área média no komunikasaun nian, Dehan Diretór SEAMELOC
Nune'e iha abertura ba formasaun ne'e, hetan partisipasaun másima husi Asesora Média no Komunikasaun iha Gabinete Ministra Edukasaun Sra. Jacinta Hanjam Corbafo, Diretór Southeast Asean Ministers of Education Organization Regional Open Learning Center (SEAMELOC) Dr. Wahyudi no formandu sira hotu.
JornalistaElias
#MediaME
