Bobonaro 12/07/2024- Exelénsia Ministru Edukasaun Interinu Sr. Domingos Lopes Lemos partisipa iha Feira kareira no edukasaun hodi atinji futuro brilante liu husi asesu ba informasaun karreira, rede professionál, formasaun Vokasionál, edukasaun, no programa servisu iha rai-laran no rai-liur, iha Gimnasti Munisípiu Maliana sexta-feira ne'e.
Iha ámbitu ne'e, sua exélensia Ministru edukasaun Interinu Sr. Domingos Lopes Lemos, ho soklok boot no benvinda maka ami hato'o ba ita hotu iha Munisípiu Bobonaro, hodi partisipa iha karreira edukasaun ne'ebé mak Sekretáriu Estadu Profesionál no Empregu ka Sefope organiza.
"Eventu Ida ne'e, oportunidade tebe-tebes atu diskuti asuntu krítiku konaba empregu, liu husi nivél Nasionál no nivél Internasionál, no mos atu explora oportunidade formasaun no edukasaun ne'ebé mak bele kontribui ho signifikante hodi ba hamenus taxa empregu iha Timor-Leste"
Asesu ba empregu dezaviu no oportunidade sira, nu'udar tema sentral ba IX governu hafoin aas barak ne'ebé mak reprejenta odamatan ba karreira ida ne'ebé remisol no realize sira maibe, ita hasoru dezaviu barak signifikan sira, globalizasaun mudansa tecnologia, no frustrasaun economia, ne'ebé afeita diretamente ba ita nia oportunidade empregu. Ho nune'e misaun ami nian atu hodi hetan solusaun inovativa hodi ultra pasa ba obstaklu sira ne'e, dehan Sekretáriu Estadu ESG no ESTV, Sr. Domingos Lopes Lemos.
Ohin ita bele ona hanoin deit oportunidade ba servisu, iha rai laran, mundu iha ligasaun ba malu, no oportunidade sira estende alein geografika ita tenki prepara ita Nia foin sae sira globalmente liu husi abilidade brilante no adabtabbel.
Edukasaun nia papél fundamental iha prosesu Ida, tanba ne'e Ministériu Edukasaun investe ona Ensinu Sekundáriu Téknika Vokasionál, hodi fó oportunidade ba finalista sira atu hetan sertifikadu dupla infestimentu ba iha futuru.
formasaun no edukasaun hanesan investimentu ba ita nia futuro nu'udar sosiadade, fó kbiit ba ema ida-idak hodi sai professionál sira ne'ebé iha abilidade iha liderasan no ajente ba sira nia-an.
Ita Nia responsabilidade maka atu asegura ita nia sistem edukasaun sira, hodi hametin inklusaun inklusivu no aliña ho nesesidade merkadu trabalhu nia ohin loron. Hodi involve parseria ho industrial sira Instituisaun professionál no superior sira, no mos organizasaun Internasionál.
Iha Timor-Leste, ita hasoru taxa dezempregu ne'ebé dezaviante maibe, hau haree ida ne'e hanesan oportunidade Ida ba transformasaun hodi investimentu iha Ensinu Sekundáriu Téknika Vokasionál, programa formasaun Profesionál, estájiu, no dezemvolvimentu abilidade sira ne'ebé mak esensiál, mai ita servisu hamutuk hodi kria ambiente ida ne'ebé mak favorável inpedorismo, inovasaun no kresimentu economia ne'ebé sustentável.
Lori Ministeriu edukasaun ninia naran agradese ba ema hotu partisi iha Veira Ida ne'e, eventu ida ne'e, sai hanesan katilijador ba progresu, kolaborasaun no atinji ba ita nia objetivu komúm.
Hamutuk ita fó oportunidade ba ita nia joven sira hodi nune'e, sira bele harii futuro ida ne'ebé diak no nabilan ba ita Nia Nasaun.
"Iha fatin hanesan sua exélensia Sekretáriu Estadu Sefope Dr. Ojoriu Mendonça De Araujo apela ba joven sira, tenki buka empregu Ida ne'ebé maka hetan ninia saláriu mak boot liu $204 nivél Ida ne'ebé maka iha Governu ninian. Tanba Ida ne'e espozisaun nu'udar Governante ne'e triste tebe-tebes ba komisaun organizadora husi Munisípiu mak la organiza eventu ne'e ho didi'ak, enkuntu halo kompara ho Munisípiu Ermera". Hateten Sekretáriu Estadu Sefope.
Biban ne'e mos exélensia Sekretáriu Estadu Sefope husu nafatin ba ita nia joven sira atu partisipa másimu ba iha feira ida ne'e, ho diak atu nune'e bele hetan benifisu ba iha futuro liuliu kompete iha merkadu Internasionál no mós merkadu rai laran. Ida ne'e mak mesangen badak husi sua exélensia Sekretáriu Estadu Sefope, Dr. Rogério Araújo Mendonça aumesmutepu hodi loke abertura ba feira Ida ne'e. Feira ne'e hahu ba iha loron rua, husi loron 12-13 Julhu 2024 iha Munisípiu Bobonaro.
Objetivu husi feira Kareira Edukasaun ida ne'e, liu-liu ba estudante Universitáriu sira ne'ebe mak iha ona kapasidade no vizaun ba oin, bainhira remata sira nia estudu sira hatene ona saida mak sira bele halo, no mós ba estudante Sekundáriu sira mós hatene ona karik la iha kbiit hodi kontinua ba univesidade saida mak sira bele halo hodi sira bele kontinua sira nia estudu." Tenik Sekretáriu Estadu Sefope.
Iha serimónia ne'e partisipa mós husi representante Presidente Autoridade Munisipiu Bobonaro,Komandante PNTL Munisípiu Bobonaro, Presidente CCI-TL, inklui konvidadu sira seluk.
#MédiaME
