Díli – Loron, Domingu, 05 Maiu 2024
Sua Exelénsia Ministra Edukasaun Dra, Dulce de Jesus Soares partisipa iha serimónia selebrasaun aniversáriu Santa Madalena de Canossa tinan Jubileu 250 loron moris nian ho tema “Karan ida Domin no Liberdade nian”, iha Ginájiu Díli.
Iha diskursu S.E. Ministra Edukasaun Dra. Dulce de Jesus Soares hateten, Eskola Santa Madalena de Canossa ohin loron dezempeña hela knaar fundamentál ba jerasaun timoroan sira nian, liuhusi formasaun nomós prepara sira ba dezafiu ne’ebé sira sei enfrenta iha futuru hodi kontribui mós ba dezenvolvimentu ida sustentável iha rai doben Timor-Leste.
“Ho fé ne’ebé iha, bainhira ita-nia laran mós no iha vontade ita hotu bele kontinua kamiñu ne’ebé Madre Madalena hahú no kuda mai ita hotu hodi kontinua mantein ninia espíritu moris liuhusi aplika saida mak nia hanorin mai ita”, dehan S.E. Ministra Edukasaun.
Governante ne’e hatutan, espresa ho gratidaun tomak ba komunidade eskola Santa Madalena de Canossa kona-ba nia komprimísiu tomak iha edukasaun atu bele kontribui ba konstrusaun futuru ne’ebé di’ak ba timoroan hotu.
#jornalistaluis
#MédiaME
