Díli – Loron, Sexta-Feira, 03 Maiu 2024
Sua Exelénsia Ministra Edukasaun Dra. Dulce de Jesus Soares hala’o enkontru kortejia ho Governu Estadu Unidus Amérika (EUA) hodi ko’alia kona-ba estratéjia governánsia ba área edukasaun liuhusi programa HATUTAN no PEACE CORPS hodi bele fasilita liután estudante sira nia dezenvolvimentu iha futuru. Enkontru ne’e hala’o iha Salaun Maubere, Hotel Timor.
Iha enkontru ne’e S.E Ministra Edukasaun Dra. Dulce de Jesus Soares hateten, HATUTAN halo servisu ida ne’ebé mak folin tebe-tebes no kompriende situansaun Timor-Leste nian hodi ajuda rezolve no fó informasaun ba Ministériu husi nível nasionál to’o eskola sira kona-ba saida mak presiza halo.
“Liuhusi estudu sira ne’e importante tebes, tanba dalabarak ita halo programa, maibé bazeia ba istória no bazeia ba ema-nia esperiénsia hodi to’o ikus rezultadu la hatán ba problema no dezafiu ne’ebé mak ita infrenta”, dehan S.E. Ministra Edukasaun.
#jornalistaluis
#MédiaME
