Ermera, loron 04 fulan Maiu 2024
Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes akompaña husi Dirijentes Ministériu Edukasaun nian partisipa iha selebrasaun loron mundial Lian Portugues iha Eskola Sekundária Jerál Nino Konis Santana Gleno, Sabadu ne'e.
Iha diskursu Exelénsia Sekretáriu Estadu ESJETV Sr. Domingos Lopes Lemos hateten, ohin Eskola Sekundária Jerál Nino Konis Santana no Eskola Téknika Profisionál iha atividade balun ne'ebé planeia ona ba estudante eskola sekundária no eskola téknika vokasionál sira.
"Atividade hirak-ne'e hanesan oportunidade ida ba estudante hotu atu esplora lian Portugues ho maneira foun no estimulante, iha selebrasaun ne'e iha mós livru feira ba estudante sira ho objetivu atu deskobre autór foun no istória foun sira," dehan Governante ne'e.
Governante ne'e hateten katak selebrasaun loron mundial lian Portugues hanoin katak lian no ida-ne'ebé aprezenta no mós meiu ida ne'ebé bele uza atu espresa ideia, emosaun no umanidade. Liuhusi lian Portugés bele ajuda atu komprende liután, tolerante liután no iha dame. Maski nune'e, lian portugés la'ós de'it meiu komunikasaun nian maibé espresa identidade, kultura no istória.
#jornalistaEric
# MédiaME
