Dili - Kuarta-feira, 15-05-2024
Ministru Edukasaun Interinu Domingos Lopes Lemos hamutuk ho Diretór Jerál Planu Polítika Inkluzaun no Informátika Sra. Odília das Dores Ung Martins, Diretór Jerál Ensinu Báziku Sr. Apolinário Serpa Rosa, Diretora Jerál Administrasaun Finansa Sra. Cecília Maria de Assis Belo partisipa iha reuniaun TLDPM (Timor-Leste Development Partners Meeting) ba setór Dezenvolvimentu sosial, iha Salaun auditóriu Kay Rala Xanana Gusmão iha Ministériu Finansa, Aitarak-Laran, Dili.
Reuniaun ida ne'e hetan partisipasaun másimu husi instituisaun relevante no parseria Internasionál sira hotu. Iha inísiu reuniaun ida ne’e lideradu husi Vise Primeiru Ministru, Ministru Koordenadór Asuntu Sosiál no Ministru Dezenvolvimentu Rurál no Abilitasaun Komunitária Enjñeiru Mariano Assanami Sabino. Hafoin abertura tiha kontinua kedas ho aprezentasaun téknika kona-ba “Programas Prioridades, Progressos e Desafios” ba kada liña Ministeriál hodi diskute kona-ba asuntu ne’ebé mensiona ona iha leten. Reuniaun refere sei kontinua durante loron 3, hahú husi 15/05 – 17/05/2024 ho liña ministeriál sira seluk.
#MédiaME
#jornalistarita
