Dili, 15/05/2024- Exelénsia Ministru Edukasaun Interinu Sr. Domingos Lopes Lemos partisipa iha reuniaun Konsellu Ministru iha Palásiu Governu
Konsellu Ministrus hala’o sorumutu iha Palásiu Governu, hahú ho aprezentasaun ida husi Governadór Banku Sentrál Timor-Leste (BCTL, sigla iha lian portugés), Helder Lopes, kona-ba jestaun operasionál Fundu Petrolíferu.
Aprezentasaun ne’e inklui informasaun kona-ba estratéjia no implementasaun ba investimentu, alokasaun portofolio, dezempeñu investimentu, reseita Fundu Petrolíferu no mós kona-ba levantamentu Fundu Petrolíferu nian.
Ikusliu, Konsellu Ministru aprova projetu Rezolusaun Governu hodi atribui donativu ida ho valór dolar amerikanu 61.500 ba Nunsiatura Apostólika iha Timor-Leste hodi halo instalasaun ba elevadór ida iha edifísiu Nunsiatura nian, nune’e hodi garante kondisaun adekuada kona-ba alojamentu no mobilidade ba Sua Santidade Papa Francisco durante ninia vizita mai Timor-Leste iha fulan Setembru.
#jornalistarita
#MédiaME
