Dili - Kinta-Feira, 16-05-2024
Ministru Edukasaun Interinu Sr. Domingos Lopes Lemos hamutuk ho Diretór Jerál Ensinu Sekundáriu, Sr. Deolindo da Cruz, Diretór Nasionál Ensinu Sekundáriu Jerál, Sr. Benjamin Gomes Fernandes da Cruz, Diretór Nasionál Ensinu Sekundáriu Tékniku Vokasionál Sr, Fernando Gama, no Diretór Munisípiu Díli Sr, Sabino da. C. Pereira, Hamutuk ho Diretór Eskola, Koodenador Eskola sira, ne'ebé iha área Comoro hodi ko'alia kona-ba preparasaun vizita Liurai Brunei Darussalam Hassanal Bolkiah, iha sala VIP Ministériu Edukasaun Vila-Verde Semana ne'e.
Iha entrevista Exélensia Sekretariu Estadu ESJESTV Sr. Domingos Lopes Lemos hateten, enkontru ne'e, ko'alia kona-ba iha preparasaun vizita espesiál Liurai Brunei Darussalam Hassanal Bolkiah, ne'ebé sei mai vizita Nasaun Timor-Leste atu hodi tuir komemorasaun loron 20 Fulan Maio tinan ida ne'e.
"objetivu ida ne'e, ne'ebé mai husi exelénsia Vise Primeiru Ministru husu ba Ministériu Edukasaun nia Partisipa liliu ba iha estudante sira, ba iha loron 20 Maio, no oinsa atu minimiza Estudante sira hodi Partisipa no forma tuir estrada ninin, husi Aeroportu Comoro mai to'o iha Palásiu Prezidente Republika ninia oin, hodi simu bainaka Espesiál Liu Rai Brunei Darussalam", katak Governante ne'e.
Governante ne'e mós husu profesór sira atu organiza halo didi'ak atividade ne'e, nune'e bele la'o ho susesu.
Enkuantu estudante ne'ebé mak sei partisipa iha eventu ne'e hamutuk na'in rihun atus rua resin.
#jornalistarita
#MédiaME
