ME PARTISIPA IHA PROGRAMA "MEET THE PRESS" KONA-BA BALANSU ATIVIDADE IHA SETÓR EDUKASAUN TIMOR-LESTE

Díli, 22/02/2024 - Ministra Edukasaun Dra. Dulce de Jesus Soares partisipa iha programa "Meet The PRESS" ho tópiku Balansu Atividade Setór Edukasaun iha Timor-Leste hodi fó sai ba públiku kona-ba programa IX Governu Konstitusuonál nian no servisu sira ne’ebé mak durante ne’e Ministériu Edukasaun ona, iha Sala Reuniaun Konsellu Ministru, Palásiu Governu, kinta-feira ne'e.

Iha enkontru ne'e Ministra Edukasaun Dra. Dulce de Jesus Soares hateten, Ministériu Edukasaun hakarak hato’o kona-ba objetivu importante iha setór edukasaun maka atu atinji asesu ba edukasaun ida ho kualidade liuhusi reforsa jestaun administrativu no sistema edukativu iha nível nasionál no munisipál atu garante prosedimantu legál sira hahú husi planeamentu, ezekusaun, monitorizasaun no avaliasaun.

"Liuhusi programa sira ne’ebé mak iha, atu fortalese kondisaun ba labarik sira husi idade 3 to'o 5 atu bele iha preparasaun ida ba sira atu bele ingresu iha edukasaun bázika obrigatóriu nomós bele partisipa iha prosesu aprendizajen ho kualidade", dehan Ministra Edukasaun.

Governante ne’e akresenta, iha IX Governu Konstitusuonál mós inisia programa tutória ida ho alta dosajen hodi garante katak ba eskola sira ne’ebé mak estudante sira identifika iha perna aprendizajen durante Covid-19, atu bele rekopera fila-fali liuhusi programa ida ne’e.

Enkuantu programa Meet The PRESS ne’e lidera husi Sekretáriu Estadu Komunikasaun Sosial (SECOMS) Sr. Expedito Dias Ximenes.