Manatuto – Sábadu, 04 Maiu 2024
Sua Exelénsia Ministra Edukasaun Dra. Dulce de Jesus Soares partisipa iha bensaun ba Illas Santu António no inagurasaun monumentu ba relijiozu no relijioza sira husi rai Manatutu hafoin remata tiha lansamentu ba balkaun úniku.
Iha inagurasaun ne’e Amu Bispu Dioseze Baucau, Dom Leandro Maria Alves hateten, ohin halibur hamutuk iha ne’e hodi fó bensaun ba Illas Santu António no inaugurasaun ba monumentu ba relijiozu no relijioza sira husi rai Manatutu niaa, tanba ne’e agradese ba rekoñesimentu ne’ebé husi parte igreija nian hodi harii monumentu ida ne’e atu hanoin ba sira ne’ebé durante ne’e dedika sira-nia-an tomak ba rai ne’e.
“Ba buat hotu ne’ebé mak ita halo hamutuk iha ne’e , husu ba sarani sira ne’ebé mak iha hakarak di’ak atu hateke ba ezemplu di’ak husi ema sira ne’ebé balun la iha ona no balun sei moris, hateke ba sira nia esforsu tomak no ba sakrifisiu ne’ebé sira halo, la’os ba de’it na’i lulik sira ne’ebé iha ne’e, maibé hateke mós ba ita-nia líder istóriku sira hodi sai hanesan inpiradór atu inspira ita atu tau liman no neon hamutuk hodi lori nasaun ne’e ba oin.
#jornalistaluis
#MédiaME
