Manatuto – Loron, Sábadu, 04 Maiu 2024
Sua Exelénsia Ministra Edukasaun Dra. Dulce de Jesus Soares partisipa iha lansamentu balkaun úniku no resenseamentu atualizasaun kartaun biométriku hanesan servisu integradu husi liña ministeriál sira hodi halo atendimentu ba trata dokumentu sira hanesan Billete Identidade (BI), Sertidaun RDTL, Pasaporte no seluk tan atu bele fasilita lalais no dignu ba sidadaun sira. Serimónia lansamentu ne’e hala’o iha Manatutu Vila.
Iha lansamentu ne’e Sua Exelénsia Primeiru Ministru Kay Rala Xanana Gusmão hateten, lansamentu balkaun úniku ne’e importante tebes ho objetivu atu labele mosu fraude eleitorál nomós evita problema seluk, tanba ho sistema ida ne’e atu garante transparénsia no responsavel iha asaun hotu-hotu atu bele serví povu ida ne’e ho di’ak.
“Ho introdusaun balkaun úniku karik bele ita mós identifika tékniku husi kada sidadaun husi munisípiu ida hodi bele hatene ona nia rekursu umanu atu bele prepara-an ba desentralizsaun”, dehan Xefe Governu.
Balkaun úniku ne’e lansa direta husi Sua Exelénsia Primeiru Ministru Kay Rala Xanana Gusmão, no hetan partisipasaun husi S.E. Vise I Preimeiru Ministru, S.E. Prezidente Tibunal Rekursu, Vise-Prezidente Parlamentu Nasionál, Membru Governu Konstitusionál da-9 nian, Distintu/a Deputadu sira, Komandante Jerál F-FDTL, Komandante Jerál PNTL, Korpu Diplomátiku nomós reprezentante Relijiozu iha Timor-Leste.
#jornalistaluis
#MédiaME
