.png)
Dili - Kuarta-feira, 16/10/2024
Ministériu Edukasaun liu husi Diretór Nasionál Sistema Informátika no Teknolójia (DNSIT) Sr. Jónio Guterres Rosário hamutuk ho Xefe Departamentu Treinamentu no Jestaun Sistema Informasaun (TIC TIMOR) Sr. Norberto Soares Cristovão halo abertura ba formasaun kona-ba Sistema Jestaun Patrimóniu Estadu Ministériu Edukasaun nian iha salaun konferénsia Ministériu Edukasaun, Vila-Verde, Dili.
Iha abertura ne'e, Diretór DNSIT Sr. Jónio Guterres Rosário hateten ita hotu ohin hatudu kompromísiu a’as atu hadi'a jestaun patrimóniu iha Ministériu Edukasaun nia laran, agradese bo'ot ba TIC TIMOR tanba bele fasilita no prontu atu dezenvolve hodi implementa aplikasaun ne'e, prezensa husi aplikasaun ida-nee nuudar pasu ida ne'ebé signifikativu tebes hodi realiza jestaun patrimóniu iha forma dijitál ne'ebé transparante, akontavél no efisiente liu.
“Ita hotu rekoñese katak patrimoniu mak rekursu ida ne'ebé importante liu ba ministériu ka organizasaun ida. Ho aplikasaun dijitál ida-ne'e, ita bele halibur dadus, monitoriza no jere Jestaun patrimóniu ho forma integradu liu" dehan Diretór DNSIT.
Diretór DNSIT Sr. Jónio Guterres Rosário informa ita hotu ho esperansa katak liuhusi treinamentu ida-ne'e ita hotu bele komprende kle’an kona-ba funsaun sira ne'ebé iha aplikasaun ida nee no bele halao ho diak. Nunee ita bele maximiza benefísiu husi aplikasaun ida-nee hodi suporta ita-nia knaar loro-loron nian.
Enkuantu formasaun nee sei lao durante loron tolu no partisipa husi Xefe Departamentu IT Sr. João Paulo Belo Assis ho tékniku sira.
