Covalima, loron 14 fulan Outubru tinan 2024
Sua Exelénsia Ministru Edukasaun Interinu Sr. Domingos Lopes Lemos akompaña husi Diretór Jerál Ensinu Sekundáriu Sr. Deolindo da Cruz Cruz no dirijentes Ministériu Edukasaun nian halo abertura Ezame Nasionál tinan 2024 iha eskola Sekundária Jerál Públika Seran kotek Suai, Segunda-feira ne’e.
Iha abertura ne’e Sua Exelénsia Ministru Edukasaun Interinu Sr. Domingos Lopes Lemos dehan, ohin loron Timor-Leste realiza Ezame Nasionál ba estudante finalista sira klase da-sia 3⁰ siklu, Ensino Báziku, Ensinu Sekundáriu Jerál durante prosesu naruk tebetebes estudante hasoru situasaun difisil iha prosesu estudu nian.
"Ohin loron ita habadak ba loron haat, imi rasik deside imi nia-an, imi nia aprendizajen durante ne'e to'o ne'ebé, husu ba ita hotu-hotu ne'ebé iha fatin ida ne'e fó apoiu ba malu, espera ezame nasionál tinan 2024 iha eskola Sekundáriu Jerál Públika Seran kotek estudante sira lori rezultadu di'ak. Bom susesu ba estudante sira hotu-hotu", hateten Governante ne’e.
Hafoin halo abertura Ezame Nasionál tinan 2024 Sua Exelénsia ho ekipa observa mós ba eskola EBC Lontale no EBC Foho bua Tilomar ne'ebé tuir Ezame Nasionál tinan 2024. No kontinua halo observasaun ba fatin estabelesimentu klase paralelo Ensinu Sekundáriu iha Postu Administrativu Fatumea.
Estudante eskola Sekundária Jerál Públika Seran kotek Suai ne’ebé tuir Ezame Nasionál hamutuk na’in 734, EBC Foho buah Tilomar hamutuk 40.
#MédiaME
