ME HALO VIZITA KORTEZIA BA ESKOLA NAROMAN ESPERANSA

Ermera; 01/03/2024 - Ministra Edukasaun Dra. Dulce de Jesus Soares ho komitiva husi Ministériu Edukasaun halo vizita ba eskola Naroman Esperansa Lauala, Ermera, hodi observa prosesu aprendizajen no prosesu konstrusaun ba edifísiu foun iha eskola refere.

Iha vizita kortezia ne’e, Ministra Edukasaun Dra. Dulce de Jesus Soares husu ba estudante sira husi eskola Naroman Esperansa atu futuru sai profesór no profesora iha Ministériu Edukasaun, tanba hetan edukasaun ne’ebé mak diak tebe-tebes husi Madre sira.

"Motivasaun ba estudante sira iha eskola Naroman Esperansa atu sai esperansa ba edukasaun iha Timor-Leste no hodi naroman ba edukasaun iha Timor-Leste", dehan Ministra Edukasaun.

Aleínde ne’e, Ministra Edukasaun Dra. Dulce de Jesus Soares ho komitiva, halo mós observasaun ba konstrusaun ba edifísiu eskola Naroman Esperansa, ne’ebé dadaun ne’e konstrusaun refere atinji ona pursentu 30%.

Entretantu iha eskola Naroman Esperansa, kompostu husi pré-eskolár to’o universidade.