ME HALO VIZITA BA EBF NO. 250 TOCOLULI ERMERA
Ermera, 01/03/2024 - Ministra Edukasaun Dra. Dulce de Jesus Soares ho komitiva halo vizita ba Eskola Ensinu Báziku Filiál númeru 250 Tocoluli Ermera, hodi observa direta kondisaun eskola no prosesu aprendizajen iha eskola refere.
Iha vizita ne’e, Ministra Edukasaun Dra. Dulce de Jesus Soares hateten, profesór no profesora sira iha obrigasaun atu mantein sala aula ne’ebé hakmatek hodi bele rona malu, nune’e hanorin iha oin estudante sira mós tau atensaun ba esplikasaun sira.
“Ema hotu-hotu, profesór no profesora sira, alunu no inan-aman sira hotu, tenke respeitu malu, hadomi malu, rona malu no komprende malu, nune’e iha eskola alunu șira respeita profesór sira no iha uma respeita inan aman sira”. Dehan Ministra Edukasaun.
Entretantu, Eskola Ensinu Báziku Filiál númeru 250 Tocoluli Ermera, estudante hamutuk na’in 392 kompostu husi Pré-Eskolár to’o Ensinu Báziku Síklu datoluk, manorin hamutuk na’in 18 no sala aprendizajen 13 kompostu husi Ensinu Báziku Sala 6 no Pré-eskolár sala 3.
