SEKRETÁRIU ESTADU ESJESTV HALO LANSAMENTU BA DISTRIBUISAUN EKIPAMENTU ESKOLÁR BA ESKOLA IHA MUNISÍPIU COVALIMA.
Suai, 01/03/2024- Sekretáriu Estadu Ensinu Sekundária Jerál no Ensinu Sekundáriu Tékniku Vokasionál Sr. Domingos Lopes Lemos, hamutuk ho Diretór Jerál Ensinu Sekundáriu Tékniku Vokasionál, Diretór Nasionál Sekundáriu Jerál, Diretór Munisípiu ho Estrutura, Autoridade Lokál, halo lansamentu Nasionál ba distribuisaun ekipamentu eskola, meza kadeira ba eskola Ensinu Pré-eskolár sira iha Munisípiu Covalima.
"Iha vizita ida ne'e ho objetivu ida atu hodi halo lansamemtu Nasionál ba distribuisaun meza kadeira ba eskola Ensinu Pré-eskolár sira iha Munisípiu Covalima, ne'ebé mak ohin lansa ona, ba eskola ensinu pré-eskolár Tali-oan, Eskola Ensinu Pre-eskolár Akar-Laran. Iha momentu ida ne'e kedas, distribui meza kedeira ba pedidu sira ne'ebé eskola ensinu pré-eskolár sira iha edukasaun Munisípiu Covalima".
"Priokupasaun balun mós mai husi eskola ensinu sekundáriu sira ne'ebé mak falta livru, meza kadeira, menus profesór/a, ne'e identifikadu ona liu husi bolsa de kandidatu ho transferénsia ba profesór/a sira ne'ebé mak la prienxe rekezitu sira semana da XXIV, hatán ba priokupasaun hirak ne'e, sua exelénsia sekretáriu estadu responde ba ejijénsia hirak ne'e, tama ona iha planu IX governu nian. Liuliu iha eskola téknika vokasionál sira ne'ebé mak presiza tebes tau atensaun másimu. Lansamentu ida ohin, sei kontinuasaun a nível territóriu Timór laran tomak".
Husi totál meza kadeira ne'ebé mak distribui mai iha Munisípiu Covalima hatumutk 133 kadeira dezloka mai iha Suai. Hafoin Sua exelénsia sekratáriu estadu ESJESTV, ho ekipa vizita eskola ensinu sekundáriu Jerál Públika Suai, hodi entrega instrumentu banda múzika ba eskola ESGP Suai. Totál estudante hamutuk na’in 2089. Inklui mós klase paralela salele Tilomar.
Iha biban ne'e, sua exelénsia Sekretáriu ESJESTV hala’o vizita kortezia hodi hasoru malu ho Prezidente Autoridade Munisípiu iha Adminstrasaun Munisípiu Covalima.
