Dili, 23-08-2024
Ministériu Edukasaun liuhusi Diretór Nasionál Ensinu Sekundáriu Tékniku Vokasionál Sr. Fernando M. Gama, hamutuk ho Xefe Gabinete Sekratáriu Estadu ESJ-ESTV Sr. Napoleãon de Araújo Santos Lima, Atase KBRI Asuntus Edukasaun Prof. Dr. Iksan Haris, Prezidente Autoridade Munisípiu Likisa, Sekretáriu Munisípiu Asunstus Urbanizasaun Ermera, partisipa iha serimónia despedida estudante Bolseiru na'in sanulu-resin-rua (12), ne'ebé atu kontinua halo sira nia estudu iha Ensinu Sekundáriu Kroman MALAKA Indonezia iha salaun Konferénsia Ministériu Edukasauan Vila-Verde sexta-feira ne'e.
Iha intervensaun Diretór Ensinu Sekundáriu Tékniku Vokasionál Sr. Fernando M. Gama hateten, eskola turizmu, Automovel no tékniku konstrusaun sivíl pontu importante tebes wanhira sira fila mai hodi dezenvolve matenek sira ne’ebe sira iha.
"estudante sira ne’e idade sei nurak, no sira sei influénsia buat oioin ho nune’e pontu importante liu maka família presiza halo komunikasaun, koordenasaun ho eskola no parte eskola mos labele nonok enkunatu infrenta problema balun eskola tenki halo komunikasaun ho parte família ho Ministériu Edukasaun hodi nune’e buka solusaun ba problema sira ne’ebé ita-nia oan sira infrenta tenik diretór ne’e".
Fatin hanesan Atase KBRI Prof. Dr. Ikfan Haris reafirma, KBRI Indonezía sente kontenti no haksolok liuhusi programa ida ne’e, KBRI Pusat Budaya Indonezía hodi fasilita estudante sira ne’ebé mak ohin atu dezloka ba Indonezía hodi kontinua sira nia estudu iha nivél Ensinu Sekundáriu.
Estudante Sidalia Pereira da Silva reprezenta estudante na'in 12, senti kontente no haksolok hakarak fo agradese ba KBRI no Timor-Leste liuhusi Ministériu Edukasaun hodi fo oportunidade estudante tuir bolsu estudu ida ne’e ho di'ak
"Agradese ba inan-aman, fó tempu ba ami oan-sira atu estuda, maski rai dook maibé ami sei estuda no hakaas-an hodi hetan buat di'ak sira ne’ebé mak durante ami estuda iha Nasaun Indonezía".
#MédiaME
