Díli – Loron, Segunda-Feira, 22 Abríl 2024
Sua Exelénsia Ministra Edukasaun Dra. Dulce de Jesus Soares hala’o reuniaun ho Asosiasaun Halibur Difisiánsia Matan Timor-Leste (AHDMTL) hodi ko’alia kona-ba dezafiu no progresu servisu liga ho edukasaun atu oinsá transforma membru ho difisiénsia matan sira ba iha edukasaun. Enkontru ne’e realiza iha Salaun VIP Ministériu Edukasaun, Vila-Verde.
Iha entrevista, Diretór Ezekutivu AHDMTL Sr. Gabriel Ponciano de Sousa hateten, ohin enkontru ho Sua Exelénsia Ministra Edukasaun hodi ko’alia kona-ba dezafiu no progresu sira ne’ebé asosiasaun hasoru liga ho edukasaun nian atu oinsa transforma ema ho difisiénsia matan ba iha edukasaun públiku sira.
“Fatin formasaun ba AHDMTL mós seidauk sufisiénte no dezafiu seluk tán mak kona-ba transporte hodi bele tula sira iha sira-nia hela fatin ba eskola no AHDMTL mós aprezenta nia pozisaun ba implementasaun edukasaun inkluzivu iha Timor-Leste”, dehan Diretór Ezekutivu.
#MédiaME
