Díli – Loron, Segunda-feira, 22 Abríl 2024
Sua Exelénsia Ministra Edukasaun Dra. Dulce de Jesus Soares hala’o enkontru kortezia ho Adjunta Prinsipál ba Asistente Sekretária Asuntu Públiku Globál, Sra. Kristin Kane hodi ko’alia kona-ba haforsa relasaun servisu bilaterál liuhusi programa dezenvolvimentu sira hanesan HATUTAN no Corpu da Paz ne’ebé fó ona nia apoiu barak ba eskola sira.
Iha entrevista ne’e, Adjunta Prinsipál ba Asistente Sekretária Asuntu Públiku Globál, Sra. Kristin Kane hateten, ohin enkontru ho Sua Exelénsia Ministra Edukasaun hodi ko’alia kona-ba parseria ho nasaun Timor-Leste liuliu iha área edukasaun no mós iha programa sira seluk hanesan Corpo da Paz programa diplomasia públika ho profesór, lian inglés hodi bele apoiu esforsu sira ne’ebé governu halo hodi eduka povu Timor-Leste.
#MédiaME
