Díli, kinta-feira, 04 Abril 2024
S.E. Ministra Edukasaun Dra. Dulce de Jesus Soares no S.E. Sekretáriu Estadu Ensinu Sekundáriu Jerál no Ensinu Tékniku Vokasioná Sr. Domingos Lopes Lemos akompaña husi dirijente sira Ministériu Edukasaun nian fahe motorizada hamutuk 193, komputadór hamutuk 193 no mákina impresaun hamutuk 193 ba Diretór Ensinu Báziku Sentrál (EBC) sira. Serimónia entrega ne’e realiza iha resintu Ministériu Edukasaun, Vila-Verde.
Iha entrevista, S.E. Ministra Edukasaun Dra. Dulce de Jesus Soares hateten, objetivu husi entrega ekipamentu ne’e atu bele apoiu dirijente eskola sira halo monitorizasaun ba Ensinu Báziku Filiál ne’ebé iha sira nia agrupamentu.
“Ministériu Edukasaun fó ona komputadór ba iha Ensinu Báziku Sentrál (EBC) sira iha tinan 2011 no to’o agora foin fó fali dala ida no maioria komputadór sira uluk ne’e at ona, nune’e troka fila-fali ho komputadór foun, nune’e bele ajuda Gabinete Apoiu Tékniku, Adjuntu nomós Diretór Eskola sira bele hala’o servisu administrasaun nian hanesan halo karta, pontu ezame sira nomós bele uza ba internet”, dehan S.E. Ministra Edukasaun.
Governante ne’e hatutan, iha governu konstitusionál dasiak atribui dolar $. 25.00 transpote nian ba kada profesór no iha mós konsesoens eskoláres ne’ebé estudante ida kada fulan hetan dolar $. 2.00 no tuir manuál implementasaun iha tiha ona atu sira bele uza persentajen hira husi orsamentu ne’e hodi fasilita sira ense kombustivél.
#jornalistaluis
#MédiaME
