Dili 10 Janeiru 2023 (SAPIENTIA)-Diretor Eskola Sekundaria Geral (ESG) 4 Setembru Balide, Martinho de Menezes, informa estrutura Ensinu Sekundariu Jeral (ESG, sigla Portugues) 4 Setembru UNAMET Balide, iha tinan ne’e simu estudante mai husi Munisipiu sira hamutuk ema na’in liu 80, bazeia rekomendasaun hosi dirasaun servisu edukasaun Munisipiu Dili.
Tinan ne’e , ita redus numeru estudante hosi 1.360 ne’ebe finaliza ona sira nia estudu iha tinan hanorin 2022, ne’e tun ba 1.100. no hosi total estudante ne’e inklui mos iha estudante liu 80 ho Munisipiu.
Bazeia ba karta sirkular ministru edukasaun nian katak bandu ona eskola sira iha Dili labele simu estudante sira mai hosi Munisipiu atu eskola iha Dili. Maibe liu hosi karta rekomendasaun DSEMD nian, ami simu estudante hamutuk ema na’iu liu 80 maka halo inskrisaun iha eskola 4 Setembru Balide,” Martinho Menezes hateten ba Agensia Tatoli iha ninia knaar fatin eskola ESG 4 Setembru Balide Dili.
Nia haktuir, estudante 80-resin hosi Munisipiu antes ne’e mai hasoru ona nia atu halo inskrisaun maibe nia la fo autorizasaun tanba lakohi foti risku hodi kontra sirkular ne’ebe hasai ona hosi MEJD.
Tanba ne’e, nia dehan, ninia parte orienta estudante sira-ne’e direta ba hasoru Diretor Edukasaun Munisipiu Dili.
Maibe, liu hosi rekomendasaun no lista koletivu ida hosi Munisipiu Dili nian diriji mai diretor hodi husu atu rejista estudante sira-ne’e iha eskola 4 setembru Balide hanesan estudante foun, no ho rekomendasaun ne’e eskola rasik tenke simu no hahu halo ona prosesu inskrisaun ba estudante sira-ne’e.
“ami simu ona lista koletivu ida hosi DSEMD nian, haruka ona mai ami kuaze estudante hosi Munisipiu 80 maka sei tama iha 4 setembru, ho nune’e ami nia estudante hamutuk 1.100-resin,” nia dehan.
Ho nune’e, estudante foun na’ain-1.100-resin ne’ebe rejista ona iha obrigasaun tenke partisipa iha atividade orientasaun eskola ne’ebe maka eskola 4 setembru UNAMET Balide realiza ona durante loron tolu hahu hosi 09-11 Janeiru 2023.
Atividade orientasaun eskolar ne’e, eskola realiza ba estudante foun sira ho intensaun atu lori estudante sira bele konese ambiente eskola nian.
“ita iruenta ona estudante sira iha konsellu estudantil atu organiza estudante foun sira hodi bele adopta situasaun sira iha are eskola ne’e, atu nuene’e ba futuru kuandu sai estudante iha eskola 4 setembru karik, saida maka sira bele halo no saida maka sira labele halo,” nia hateten.
Atividade orientasaun eskolar iha dahuluk ne’e, mestre sira maka fo formasaun ba estudante foun sira relasiona ho dezenvolvimentu edukasaun inklui atividade sira ne’ebe halo iha eskola 4 Setembru, depois iha loron daruak ne’e parte Polisia Nasional Timor Leste (PNTL) maka fo formasaun.
“hos komandu Polisia Munisipiu Dili fo formasaun kona-ba violasaun direitu umanu, konflitu ne’ebe akontese iha nasaun ne’e inklui partisipasaun joven ninia iha dezenvolvimentu. Formasaun ida-ne’e oinsa atu motiva joven sira liuliu estudante foun sira iha eskola 4 setembru ne’e bele hakribit violensia no hadook husi konflitu sira, katak nia.
Iha orientasaun ba loron datoluk ne’e, tuir planu sei partisipa husi CAC, KRAM no parte Igreija nian atu fahe liutan informasaun sira ba jerasaun foun iha eskola 4 Setembru UNAMET Balide. Dili.
Media. Sapientia. Bosco
