Ainaro, Tersa-feira 19/03/2024- Sekretariu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos partisipa iha serimónia entrega servisu ba superintedente sesante ba Superintendente nomeadu iha salaun parókia Nossa Senhora de Fátima Ainaro.
Hafoin entrega servisu Superintendente Nomeada Sra. Carmelita Salsinha deklara, agradese ba Superponente Sesante ba ninia dedikasaun durante ninia mandatu husu nafatin servisu di'ak hodi dezenvolve iha área edukasaun.
"ha'u hakarak hateten katak ha'u iha ne'e atu kontinua servisu ne'ebé seidauk remata no atu kolaborasaun husi entidade hotu-hotu atu dezenvolve edukasaun iha Timor Leste, liuliu iha Ainaro, ikus liu, ha'u prontu atu serve Ainaro".
Fatin hanesan, iha Diskursu Exelénsia Sekretáriu Estadu ESJESTV Sr.Domingos Lopes Lemos hateten, parabéns ba superintendente sesante ne'ebé mak durante ne'e servisu hanesan duperintendente iha Munisípiu Edukasaun Ainaro, bemvindu ba superintendente nomeadu.
"Ohin marka istória foun ida iha Ainaro tanba superintendente na'in rua entrega servisu ba malu ne’e marka prezensa husi membru governu na'in rua husi Ministèiru Edukasaun nian, Diretór Nasionál sira, Prezidente Autoridade sira hotu no komunidade barak mak ohin partisipa", dehan Exelénsia ne'e.
Governante ne'e haktuir, Kargu ne'ebé mak simu la'os priviléjiu, kopera servisu hamutuk ho profesór sira ne'ebé mak iha Munisípiu Ainaro, Superintendente foun serví kolaborasaun di'ak.
Enkuantu Superintendente entrega servisu ba malu ne’e iha ámbitu serimónia termu aseitasaun no tomada de pose ba profesór ingresu espesial no rejime kareira dosente ne'ebé partisipa husi Ministra Edukasaun Dra. Dulce de Jesus Soares ho ekipa Ministériu Edukasaun, Autiridade Lokál Munisípiu Ainaro, Diretór Edukasaun munisípiu Ainaro ho estrutura, Profesór/a sira inklui komunidade sira iha Ainaro.
