Díli, Kinta-feira 21/03/2024- Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos ho Dirijente Ministériu Edukasaun hala'o audiénsia ho komisaun G Parlamentu Nasionál ne'ebé mak trata asuntu Edukasaun Juventude kultura no sidadania hodi hato'o relatoriu ezekusaun Orsamentu Ministériu Edukasaun nian tinan 2023 iha sala enkontru Komisaun G.
Hafoin audiénsia exelénsia Sekretáriu Estadu ESJESTV hateten, ohin ekipa Ministériu Edukasaun mai hato'o relatoriu trimester dahaat tinan 2023 nian ba komisaun G Parlamentu Nasionál.
"iha sujestaun no rekomendasaun balun ne'ebé mak mai husi destintu deputadu sira, liu husi ne'e mak deputadu sira hato'o iha audénsia", katak Governante ne'e.
Fatin hanesan Prezidente Komisaun G Parlamentu Nasionál Sr. Armando dos Santos Lopes reafirma, Ministériu Edukasaun hanesan Ministériu ida ne'ebé mak bo'ot ho nune'e sira ezekuta Orsamentu bo'ot ho montante 122.457, 99 Milioens dolar amérikanu, Ministériu Edukasaun ezekuta ona orsamentu ho porsentu 96, 28.
