Ainaro - Kinta-Feira, 19/06/2024
Exelénsia Sekretáriu Estadu Ensinu Sekundáriu Jerál no Ensinu Sekundáriu Tekniku Vokasionál Sr. Domingos Lopes Lemos hamutuk ho Prezidente INFORDEPE Sr. Domingos Martins akompaña husi dirijente Ministériu Edukasaun nian halo diálogu ho rai-na’in no loke fila-fali aula 4 ne’ebé hetan dezentendimentu husi rai-na’in iha eskola Ensinu Báziku Central (EBC) 20 de Agostos 82 iha Munisípiu Ainaro, semana ne’e
Iha dialogu ne’e rai-na’in Sr.Feliz Caldas eskola EBC ne’e taka durante fulan ida ona, ohin loron loke fila-fali ona odamatan ne’e, nune’e prosesu aprendizajen bele la’o hanesan babain.
“Durante ne’e iha diverjénsia ideía maibé ohin loron Exelénsia sira mai ona, halo ona dialogu ami prontu loke fila-fali eskola refere nune’e oan sira nia prosesu aprendizajen bele la’o ho di’ak”, katak Sr. Feliz.
Fatin hanesan, Exelénsia sekretariu Estadu Ensinu sekundáriu jerál no ensinu sekundáriu teknika Vokasional Domingos Lopes Lemos informa, Durante fulan ida nia laran komunidade sira taka hela odamatan, klaru katak taka odamatan mak prosesu aprendizajen sei la la’o , tanba ne’e ohin hamutuk ho dijente sira resolve ona desentendimentu ne’e.
“Ofisialmente ohin ami loke ona kalen sira ne’ebé maka rai-na’in sira prega hela ba odamantan hodi hapara prosesu aprendizajen durante fulan ida nia laran”, informa Governante ne'e.
Enkuantu estudante Ensinu Báziku Central (EBC) 20 de Agostos 82 hamutuk nain 303, professor nain 16, iha diálogu ne’e marka prezensa mós husi Diretór Edukasaun Munisípiu Ainaro, Superintendente, Professor/a sira no komunidade inklui rai-na’in.
#jornalistarita
#MédiaME
