SEKRETÁRIU ESTADU ESJESTV HATUR RIN DAHULUK BA ESKOLA ESG RAICALA
Ermera, 20/02/2024- Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos akompaña husi Diretór Jerál Ensinu Sekundáriu Tekníku Vokasionál, Diretór Nasionál Tékniku Vokasionál, Diretór Ensinu Sekundáriu Jerál, Representate Diretór Nasionál Infrastrutura, Koordenadór Lisensiamentu Abaliasaun hatur rin dahuluk ba eskola Sekundária Jerál Raicala iha Suku Estadu, Postu Administrativu Ermera Vila, Munisípiu Ermera.
Iha intervensaun Exelénsia Sekretáriu Estadu ESJESTV hateten, husu inan aman sira atu servisu hamutuk hodi haree eskola refere, tanba edifísiu ida harii dadaun ne'e la'ós projetu ida ne'e komunidade ho eskola rasik mak jere hanaran projetu Komunitária, fó hanoin ba inan, aman no profesór sira hotu tau ita bo'ot sira nia responsabilidade ba eskola refere, ita tenki apoiu malu.
"Ita hotu-hotu kontribui, fó hanoin ba malu nune'e ba oin eskola ne’e nafatin la'o di'ak, presiza ita hotu-hotu nia hanoin kontribuisaun, ita hanoin katak ita nia oan sira eskola iha ne’e entaun ita mós pertense ba eskola refere, Ministériu Edukasaun la mai haree loron-loron komunidade sira mak tenki haree", deklara Governante ne'e.
Fatin hanesan Diretór Eskola Sekundária Jerál Raicala Sr. Zeca Martins Maia esplika, Konstrusaun ne'e asina tiha ona iha loron 15 fulan Setembru tinan 2023, maibé prosesu hotu foin mak hahú iha fulan janeiru 2024, tanba klima udan la fó fatin ba atu halo servisu ne’e, ohin mak esélensia bele hakat mai iha fatin ida ne’e hodi hatur rin dahuluk ba edifísiu ne’e.
Estudante hamutuk 245, Konstrusaun edifísiu eskola Sekundária Jerál Raicala ne'e ho aula tolu osan montante 86. 99585, Kontrusaun ne'e sei remata iha fulan neen nia laran.
